31 მაი

კონფერენცია

2019 წლის 31 მაისს ქ.თბილისის მერიის ინიციატივით ჩატარებულ კონფერენციაში „ძლიერი ეკონომიკა ძლიერი ქალაქი (ჭვიანი, მწანე ინოვაციური)“ მონაწილეობა მიიღეს ფაკულტეტის პროფესორებმა და სტუდენტებმა.

27 მაი

სამუშაო ვიზიტი

2019 წლის 21 ივნისს ენერგეტიკისა და ტელეკომუნიკაციის ფაკულტეტზე, ყოველწლიური სამუშაო ვიზიტის ფარგლებში, სტუმრად იმყოფებოდა ბატონი ფრენკ ნოელი, რომელიც გახლავთ ამერიკის საინჟინრო სააკრედიტაციო საბჭოს (ABET) ექსპერტი.
17 მაი

შეხვედრა სკოლის მოსწავლეებთან

2019 წლის 18 მაისს საქართველოს ტექნიკური უნივერსიტეტისა და სანდიეგო/საქართველოს ფაკულტეტის ინიციატივით მოეწყო შეხვედრა ქ.თბილისის სკოლის მოსწავლეებთან, მათი სამომავლო უმაღლესი განათლების პროგრამების არჩევის მიზნით.
ყველა სიახლე

ენერგეტიკისა და ტელეკომუნიკაციების ფაკულტეტი

ენერგეტიკისა და ტელეკომუნიკაციების ფაკულტეტი
ენერგეტიკა და ტელეკომუნიკაცია ქვეყნის სოციალურ-ეკონომიკური განვითარების ერთ-ერთ უმთავრეს საფუძველს წარმოადგენს და მისი თავდაცვისუნარიანობის განმტკიცებასა და საწარმოო-ტექნოლოგიური პროცესების ეფექტურობას განაპირობებს. ყოველივე ეს უცილობლად მოითხოვს ენერგეტიკისა და ტელეკომუნიკაციის დარგების წინსწრებული განვითარების აუცილებლობას. ენერგეტიკისა და ტელეკომუნიკაციის ფაკულტეტის კურსდამთავრებულებს ეძლევათ შანსი გახდნენ, XXI საუკუნის აღმშენებლობის აქტიური მონაწილეები.

ფაკულტეტი აღჭურვილია უახლესი ტექნიკითა და სწავლების თანამედროვე ტექნოლოგიებით. სულ ახლახან სტუ-ს, სს «თელასის», ფრანგული ფირმის Schneider Electric–ის, ავსტრიული ფირმა Herz-ის ერთობლივი ძალისხმევით ჩამოყალიბდა, სასწავლო ლაბორატორიული ცენტრი, სადაც ფაკულტეტის სტუდენტებს საშუალება ეძლევათ დაეუფლონ უახლესი ტექნოლოგიებით დამზადებული ელექტროტექნიკური მოწყობილობებისა და დანადგარების, განახლებადი ენერგიის და ენერგოეფექტური ტექნოლოგიების მართვას და ექსპლუატაციას. ასევე ისარგებლონ თანამედროვე ელექტრონული ბიბლიოთეკით, ვირტუალური ლაბორატორიებით, სახელმძღვანელოებით მშობლიურ ენაზე და სწავლების კომპიუტერული ტექნოლოგიების ყველა სიკეთით.

ფაკულტეტს ემსახურება ენერგეტიკისა და ტელეკომუნიკაციის დარგებში აღიარებული და სათანადო კომპეტენციის აკადემიური პერსონალი, რაც მაღალი ხარისხის საგანმანათლებლო სივრცეს უზრუნველყოფს.
ფაკულტეტზე სასწავლო პროცესი მიმდინარეობს პროფესიული, ბაკალავრიატის, მაგისტრატურისა და დოქტორანტურის საგანმანათლებლო პროგრამებით.